Кандыдаты ў дэпутаты павінны прадаставіць у СМІ свае праграмы не пазней за 21 жніўня

Нумары

Кандыдаты ў дэпутаты Палаты прадстаўнікоў павінны будуць прадаставіць друкаваным СМІ для публікацыі свае перадвыбарныя праграмы не пазней за 21 жніўня, паведаміла 28 чэрвеня на пасяджэнні Цэнтрвыбаркама прадстаўнік ЦВК Алена Дмухайла.

Перадвыбарныя праграмы будуць публікавацца ў такіх рэспубліканскіх газетах, як «Звязда», «Рэспублiка», у абласных газетах, а таксама ў «Вечернем Минске», удакладніла Алена Дмухайла. Чарговасць публікацыі будзе адпавядаць чарговасці паступлення тэкстаў у рэдакцыі.

Што тычыцца тэлебачання і радыё, то ў Мінску кандыдатам прадаставяць эфір тэлеканал «Беларусь 3» і «Радыё-Мінск». Раней прапаноўвалася выдзеліць сталічным кандыдатам эфір на «Беларусь 2», але пазней ад гэтага адмовіліся з-за трансляцыі Алімпійскіх гульняў з Рыа-дэ-Жанэйра. У Мінскай вобласці эфір выдзеляць на СТБ і «Мінскай хвалі». Кандыдаты ў іншых рэгіёнах змогуць выступіць у эфіры абласных тэле- і радыёстанцый.

Пры гэтым і ў тэле-, і радыёэфіры будзе давацца па пяць мінут. Трансляцыі па тэлебачанні пройдуць з 19.00 да 20.00, а на радыё – з 7.00 да 8.00. Прадугледжаны і тэледэбаты, дзе кожнаму кандыдату дадуць да пяці мінут. Для правядзення дэбатаў патрэбна згода на ўдзел хаця б ад двух кандыдатаў адной акругі. Дэбаты пакажуць у запісе, а час трансляцыі вызначаць акруговыя выбаркамы не пазней за 12 жніўня. Прычым на дэбаты можа прыйсці давераная асоба.

Акрамя таго, кандыдаты будуць мець права на выкуп друкаванай плошчы ў газетах і ў эфіры тэлерадыёкампаній за кошт сваіх выбарчых фондаў.

БелТА



Tagged

Добавить комментарий

Ваш e-mail не будет опубликован. Обязательные поля помечены *