Кіпіць работа на сенажацях

Нумары Сельская гаспадарка Ураджай

300518

Неблагімі тэмпамі вядзецца нарыхтоўка кармоў у ААТ «Вішнявецкі-агра». Першы ўкос праведзены тут на плошчы звыш 800 гектараў – гэта каля 80 працэнтаў. На палетках працуе механізаваны кормаўборачны атрад. Шчыруюць на кормаўборачных комплексах Аляксандр Маеўскі (на здымку ўверсе) і Максім Паплаўскі. На касілках рупяцца Віталій Шода і Мікалай Ажгірэвіч, на граблях – Аляксандр Рачок і Алег Камёнка. На адвозцы зялёнай масы задзейнічана адзінаццаць адзінак тэхнікі. Улік зробленых рэйсаў вядзе вагаўшчыца Наталля Брылеўская. Адну сянажную траншэю запоўнілі на МТФ «Вішнявец», другую – на МТФ «Мархачоўшчына № 2» і трэцюю – на МТК «Вішнявец». Закладваецца сянаж з кансервантам, траншэя запаўняецца максімум за тры дні.

Трамбаванне правяленай зялёнай масы вядзецца кругласутачна. На гэтай рабоце ўвесь светлавы дзень заняты Дзмітрый Барысевіч і Сяргей Пашкевіч, у начную змену завіхаецца Дзмітрый Міцюля. Якасць трамбавання, тэмпературу і вільготнасць закладзенага сенажу кантралююць аграном-насеннявод Святлана Макавецкая і галоўны ветурач Таццяна Пазняк (на сярэднім здымку злева направа).

Адначасова сушаць у таварыстве і сена. Галоўны аграном Леанід Новік падкрэслівае, што травы параслі добрыя, таму корманарыхтоўшчыкі пастараюцца нарыхтаваць травяных кармоў не менш, чым у мінулым годзе.

Надзея БАТАЛКА, фота аўтара



Tagged

Добавить комментарий

Ваш e-mail не будет опубликован. Обязательные поля помечены *