Ансамбль народнай музыкі «Каласкі» выступіў на міжнародным фестывалі

Важное Культура

«Белавежская пушча» – пад такой назвай у Брэсце прайшоў міжнародны шматжанравы фестываль-конкурс творчасці, на якім паспяхова выступіў узорны ансамбль народнай музыкі «Каласкі» Наваколасаўскай дзіцячай школы мастацтваў.

Гэты калектыў неаднаразова займаў прызавыя месцы ў розных музычных спаборніцтвах. І на гэты раз стаў дыпламантам І ступені.

Кіруе дзіцячым музычным калектывам выкладчыца Наваколасаўскай дзіцячай школы мастацтваў па класе скрыпкі Наталля Нікалаева. Канцэртмайстар  калектыву – Артур Лапкоўскі. Уклад гэтых таленавітых педагогаў у развіццё ансамбля вялікі і абумоўлівае яго поспехі ў канцэртнай і конкурснай дзейнасці.

Педагогі ў сваю чаргу адзначаюць талент юных музыкантаў, іх вялікую працу па ўдасканаленні свайго выканальніцкага майстэрства. У склад узорнага калектыву ўваходзяць Марына Дырда (скрыпка), Аляксей Нікалаеў, Марыя Тэрзі (ударныя інструменты),  Аляксандра Марчанка (цымбалы), Вікторыя Буралкова (бас-гітара).

Арганізацыйны камітэт фестывалю напярэдадні Новага года зрабіў удзельнікам падарунак – наведванне рэзідэнцыі Дзеда Мароза ў Белавежскай пушчы.

Святлана ЖЫБУЛЬ



Tagged

Добавить комментарий

Ваш e-mail не будет опубликован. Обязательные поля помечены *