Рэпартаж з Нававескаўскага ўчастка для галасавання

Афіцыйна Важное Выборы 2019

На выбарчым участку № 53

Адной з першых прыйшла на выбарчы ўчастак ганаровы жыхар Стаўбцоўскага раёна, заслужаны работнік сельскай гаспадаркі Вольга Аляксееўна Луцык.

Галасуе ганаровы жыхар Стаўбцоўскага раёна, заслужаны работнік сельскай гаспадаркі Вольга Аляксееўна Луцык

Нававескаўскі ўчастак для галасавання № 53 знаходзіцца акурат у будынку адміністрацыі ААТ “Вялікі Двор”, якую ўзначальвае Вольга Луцык. Напярэдадні выбараў гаспадаркай быў зроблены рамонт у памяшканні выбарчага ўчастка, закуплены дзве новыя кабіны для галасавання.

Настрой у Вольгі Луцык – як заўсёды пазітыўны, аптымістычны. Наконт сваёй грамадзянскай актыўнасці яна зазначае наступнае: “За 58 гадоў працоўнага стажа не прапусціла ніводныя выбары. Для мяне гэта магчымасць выказаць сваю пазіцыю, жыць у суладдзі з законам і з Богам”.

У датэрміновым галасаванні прыняла ўдзел жыхарка Новай Вёскі Вера Мазур

На ўчастку № 53 зарэгістравана 419 выбаршчыкаў. Каля 10 працэнтаў прагаласавалі датэрмінова ў першыя дні.

— Самыя адказныя грамадзяне спяшаюцца аддаць свой грамадзянскі доўг першымі. Увогуле выбары праходзяць у нас з традыцыйна высокай яўкай выбаршчыкаў – на ўзроўні 80 і больш працэнтаў, — удакладняе старшыня ўчастковай выбарчай камісіі № 53 Аляксандр Скулкоў.

Вікторыя Райская на гэтым выбарчым участку і галасуе, і з’яўляецца назіральнікам за ходам выбараў

Таццяна ПЯТКЕВІЧ, фота аўтара



Добавить комментарий

Ваш e-mail не будет опубликован. Обязательные поля помечены *