«Працэс галасавання ідзе спакойна». Наведалі Ленінскі ўчастак для галасавання № 36

Афіцыйна Выборы 2019 Главное

На Ленінскім участку для галасавання № 36 галасуюць пераважна тыя, хто пражывае ў гістарычнай частцы Стоўбцаў.

Разам прыйшлі на выбарчы ўчастак Яніна Крамко і Святлана Забаўская

Сярод іх нямала людзей заслужаных, чыё працоўнае жыццё звязана з вядучымі прадпрыемствамі і арганізацыямі раёна, хто ўнёс значны ўклад у развіццё і росквіт Стаўбцоўшчыны.

Людміла Чурылава – сярод тых, хто ўнёс значны ўклад у развіццё Стаўбцоўскага мясакансервавага камбіната

Да прыкладу, на выбарчым участку мы сустрэлі Людмілу Чурылаву, без якой нельга ўявіць Стаўбцоўскі мясакансервавы камбінат. За многія дзесяцігоддзі гэты калектыў стаў для яе родным, як і яна для калектыва – незаменнай, заўсёды гатовай падзяліцца сваімі ведамі і вопытам. Менавіта такімі старажыламі, як Людміла Чурылава, створаны слаўныя традыцыі камбіната. У пачатку лістапада прадпрыемства адзначыла знамянальную дату — сваё 90-годдзе.

— Я імкнуся быць у курсе ўсіх падзей, браць актыўны ўдзел у грамадскім жыцці. Мне не абыякава тое, як будзе жыць наша краіна, — сказала падчас галасавання Людміла Чурылава.

Выбарчы працэс арганізаваны ў адпаведнасці з патрабаваннямі Выбарчага кодэкса Рэспублікі Беларусь

Выбаршчыкаў на ўчастку (ён месціцца ў раённым Цэнтры культуры) зарэгістравана 1849.

— Працэс галасавання ідзе спакойна, у добразычлівай атмасферы, — адзначае старшыня ўчастковай выбарчай камісіі Вольга Навіцкая. — У кожнага ёсць магчымасць прыйсці і аддаць свой голас за будучае Беларусі.

Таццяна ПЯТКЕВІЧ, фота аўтара



Добавить комментарий

Ваш e-mail не будет опубликован. Обязательные поля помечены *