Стаўбцоўскія навучэнцы прынялі ўдзел у навагоднім свяце ў Цэнтры экатурызму «Станькава»

Адукацыя Главное

Дэлегацыя ад нашага раёна

Незвычайнае абласное навагодняе свята прайшло ў Цэнтры экатурызму «Станькава».

Дабрачынная акцыя насіла назву «Бацькі-пераможцы, прызёры і іх дзеці».  Такім чынам, на свята былі запрошаны не толькі дзеці, але і іх бацькі. Прычым бацькі – прызёры, якія адзначаны граматамі і іншымі ўзнагародамі ў сваёй працоўнай і грамадскай дзейнасці. І іх дзеці – таксама ўладальнікі ўзнагарод за сваю паспяховую вучобу, удзел у конкурсах і актыўнасць у грамадскім жыцці. Восем сямейных пар атрымалі гонар пабыць на гэтай урачыстасці.

Такіх пераможцаў на абласным свяце з прывітальным словам павіншаваў намеснік старшыні Мінскага абласнога выканаўчага камітэта Іван Маркевіч.

Для дзяцей і іх бацькоў было створана вясёлае дзейства з карагодамі ля ёлкі. Кожная дэлегацыя з раёнаў Мінскай вобласці ехала са сваімі казачнымі персанажамі – Дзедам Марозам і Снягуркай. Ім было прапанавана паўдзельнічаць у конкурсе, атрымаць прызы за свае таленты.

Удзельнікі дабрачыннай абласной урачыстасці маглі паглядзець цырк пад шатром на вуліцы. Да ўсіх гэтых радасцей дзеці атрымалі і салодкія падарункі. Усе засталіся задаволеныя такім прыемным адпачынкам.

Святлана ЖЫБУЛЬ, фота аўтара



Tagged

Добавить комментарий

Ваш e-mail не будет опубликован. Обязательные поля помечены *