«Міліцэйскі веснік». Андрэй Пальчэўскі аб працы старшага інспектара ДАІ

Главное Міліцэйскі веснік Спецвыпускі «Праменя»

image_pdfimage_print

 

22 лютага на Стаўбцоўшчыне прайшоў злёт перадавікоў, на якім падведзены вынікі работы за 2019 год. Сярод узнагароджаных былі і супрацоўнікі райаддзела міліцыі. Старшыня райвыканкама Дзяніс Колясень уручыў падзякі старшым інспектарам – Андрэю Пальчэўскаму і Аляксандру Пархімовічу.

Мы сустрэліся з імі і папрасілі падзяліцца клопатамі службовымі і сямейнымі. Сем’і ў іх жыцці адыгрываюць ролю асаблівую – надзейнага тыла.

 

На прыём да старшага інспектара Андрэя Пальчэўскага прыходзяць па пытаннях работы Дзяржаўтаінспекцыі

Cтаршы інспектар па адміністрацыйнай практыцы аддзела ДАІ Андрэй Пальчэўскі з гонарам зазначае, што ён – шматдзетны бацька. У іх з жонкай Таццянай (яна працуе бухгалтарам у індывідуальнага прадпрымальніка) дзве дачкі-школьніцы, якія займаюцца ў дзявятым і пятым класах СШ № 3 г. Стоўбцы, і пяцігадовы сын, які наведвае дзіцячы сад № 6. Дзеці любяць плаванне, часта бываюць у ФАКу. Таму для Андрэя Юр’евіча, які, дарэчы, знаходзіцца цяпер у чарговым водпуску, дзень пачынаецца напружана – з таго, што неабходна падвезці іх у школу, садзік, басейн…

– Андрэй Юр’евіч, мяркуючы па назве пасады, ваша работа найперш звязана з дакументамі. Да вас пападаюць пратаколы, пастановы, якія інспектары дарожна-патрульнай службы «напрацоўваюць» за змену…

– Кожны з гэтых дакументаў неабходна праверыць, зарэгістраваць, унесці ў электронную базу даных… У мінулым годзе іх было больш за восем тысяч. Акрамя таго, вяду прыёмы грамадзян па пытаннях, якія датычаць работы Дзяржаўтаінспекцыі. І я, і мае калегі на чале з начальнікам аддзела Дзмітрыем Воранавым імкнёмся працаваць без чэргаў. Калектыў у нас дружны, гатовы да ўзаемавыручкі.

Узаемадзейнічаем з аддзелам прымусовага выканання, судом. Актуальная задача – спагнанне накладзеных штрафаў. Штогод узровень спагнання павялічваецца (у мінулым годзе ён склаў 82 працэнты). Выкарыстоўваем для гэтага ўсе магчымыя меры, якія прадугледжаны заканадаўствам.

– Дакументаабарот ДАІ дастаткова аб’ёмны?

– Спецыфіка работы Дзяржаўтаінспекцыі вызначае і аб’ём дакументаабароту. Да прыкладу, мы адказваем на запыты страхавых арганізацый у выпадку ДТЗ, на падставе чаго выплачваецца кампенсацыя грашовых сродкаў. Накіроўваем у ЦРБ спісы асоб, якія пазбаўлены вадзіцельскага пасведчання згодна з артыкулам 18.16 КоАП Рэспублікі Беларусь за кіраванне транспартным сродкам у стане алкагольнага ці іншага ап’янення. У рамках унутрыведамаснага ўзаемадзеяння рыхтуем аналагічную інфармацыю і для падраздзяленняў райаддзела міліцыі і да т. п.

– Вы таксама працуеце на прафілактыку правапарушэнняў і злачынстваў?

– Безумоўна. Гэта адна з прыярытэтных задач, у сувязі з чым штомесяц выступаем у працоўных калектывах пры правядзенні адзіных дзён бяспекі дарожнага руху, прафілактычных акцый. Наведваем школы і дзіцячыя сады. А падчас культурна-масавых мерапрыемстваў у раёне нясём службу па ахове грамадскай бяспекі ў складзе дарожна-патрульнай службы. У мяне шасцідзённы рабочы тыдзень, уключаючы суботу, але са сваім пагадзінным графікам.

– Кім вы пачыналі працаваць у міліцыі?

– Пачынаў у 2000 годзе інспектарам дарожна-патрульнай службы ДАІ. Некаторы час папрацаваў у дзяжурнай часці Мінскага РУУС, а з 2004 года ізноў вярнуўся ў райаддзел міліцыі. Спачатку быў у ахове, з 2008 года – оперупаўнаважаны аддзялення па барацьбе з эканамічнымі злачынствамі, і з 2009 года – старшы інспектар па адміністрацыйнай практыцы аддзела ДАІ. У 2007 годзе закончыў Акадэмію міліцыі. Маю і сярэднюю спецыяльную адукацыю па спецыяльнасці «тэхнік-электрык».

– Што для вас служба ў міліцыі?

– Магчымасць праявіць сябе. Быць карысным. Адчуваць сябе прафесіяналам.

Таццяна ПЯТКЕВІЧ, фота аўтара



Tagged

Добавить комментарий

Ваш e-mail не будет опубликован. Обязательные поля помечены *