Іосіф Казлоўскі вызваляў Варшаву

Важное Вялікай Перамозе прысвячаецца

Праект «Вайна. Памяць. Перамога»

Іосіф Піліпавіч Казлоўскі нарадзіўся ў 1923 годзе ў вёсцы Пагарэлае. У армію быў прызваны ў 1944 годзе, пасля вызвалення Беларусі, Стаўбцоўскім райваенкаматам. Служыў радавым, тэлефаністам 494-га артылерыйскага палка. З баямі вызваляў Польшчу і Германію. Узнагароджаны медалямі «За вызваленне Варшавы», «За ўзяцце Кёнігсберга», «За адвагу», ордэнам Айчыннай вайны ІІ ступені.

Пасля вайны вярнуўся ў родную вёску і больш за чатыры дзясяткі гадоў працаваў жывёлаводам ААТ «Радзіма Якуба Коласа». Разам з жонкай (светлай памяці) выгадаваў двух сыноў.

Іосіф Піліпавіч па-ранейшаму жыве ў роднай вёсцы, разам з сынам і нявесткай. Голас яго бадзёры, ветэран паскардзіўся толькі на дрэнны зрок. Ён пажадаў жыхарам раёна моцнага здароўя, радасці, даўгалецця.

І мы жадаем Іосіфу Піліпавічу: жывіце доўга, вы нам патрэбны!

Таццяна ПЯТКЕВІЧ, фота аўтара



Tagged

Добавить комментарий

Ваш e-mail не будет опубликован. Обязательные поля помечены *