Выканана ўрэзка ў газаправод

Важное Эканомiка

У Стоўбцах завяршаюцца пусканаладачныя работы на новай кацельні на мясцовых відах паліва магутнасцю 24 МВт. Работнікамі ВУ «Стоўбцыгаз» днямі была зроблена ўрэзка ў магістральны газаправод для забеспячэння работы на новай кацельні рэзервовых катлоў.

Новая кацельня хутка будзе здадзена ў эксплуатацыю

– Работы  выконваліся згодна са спецыяльным нарадам і планам, з выкарыстаннем спецыяльнага прыстасавання для халоднай урэзкі, што дало магчымасць не адключаць спажыўцоў дзеючага газаправода, – падкрэслівае майстар рамонтна-аднаўленчых работ і ўрэзак ВУ «Стоўбцыгаз» Сяргей Палоннік.

Сяргей Кізевіч выконвае ізаляцыю месца ўрэзкі, каб не дапусціць карозіі газаправода

Дзеючы газаправод, дыяметр якога складае 377 мм, мае стратэгічнае значэнне: па ім прыродны газ паступае ў філіял маторнага завода, у мікрараён Усходні і мікрараён, які размешчаны за чыгункай.

На ўрэзцы былі задзейнічаны электрагазазваршчык Аляксей Рудзько, слесары Дзмітрый Чыневіч, Руслан Глоба і Сяргей Кізевіч.

Таццяна ПЯТКЕВІЧ, фота аўтара



Добавить комментарий

Ваш e-mail не будет опубликован. Обязательные поля помечены *