Захаваць культуру бяспекі жыццядзейнасці

Акцыі Главное Пожарная безопасность

Сёння на стадыёне “Юнацтва” прайшоў раённы этап рэспубліканскай акцыі “Адзіны дзень бяспекі”.

Як расказаў першы намеснік начальніка Стаўбцоўскага РАНС Аляксандр Полацкі, данае мерапрыемтва праводзілася з мэтай папулярызацыі прафесій “выратавальнік” і службаў жыццязабеспячэння.

Дзецям былі прапанаваны віктарыны па пажарнай бяспецы, паказаны сродкі як аховы, так і ліквідацыі надзвычайных сітуацый, працавала фотазона. Кожны жадаючы мог апынуцца ў машыне пажарнай і газавай службы, пазнаёміцца з абсталяваннем унутры кожнай з іх, уключыць гук сірэны. У рамках заахвочванняў і падарункаў удзельнікі акцыі атрымалі разнастайныя размалёўкі, расклад заняткаў з паказам нумароў экстранных службаў, пазнавальную літаратуру.

Мерапрыемства выдалася вясёлым і жыццярадасным.

 

Марына КУТАС, фота аўтара

 

 



Добавить комментарий

Ваш e-mail не будет опубликован. Обязательные поля помечены *