Галоўны ўрач ЦРБ пракаментавала парадак тэсціравання на COVID-19

Главное Медыцына

Ва ўмовах распаўсюджвання каранавіруснай інфекцыі найбольш частыя пытанні звязаны з тэстамі, якія дапамагаюць выявіць у арганізме каранавірус.

У прыватнасці, многіх хвалюе тое, што не да ўсіх, хто трапіў у лік кантактаў першага ўзроўню і знаходзіцца на самаізаляцыі, прыязджае дамоў спецыяльная брыгада, каб зрабіць тэст.

Парадак тэсціравання тлумачыць галоўны ўрач УАЗ «Стаўбцоўская ЦРБ» Святлана Глебка:

– Калі да вас не прыехалі з бальніцы браць тэст, не варта панікаваць і множыць сумненні, недавер да медыкаў. Згодна з апошнімі нарматыўнымі дакументамі Міністэрства аховы здароўя Рэспублікі Беларусь, асобы, якія адносяцца да кантактаў першага ўзроўню і  ў якіх няма сімптомаў рэспіраторнай інфекцыі, не падлягаюць лабараторнаму абследаванню. Апошняе назначаецца ў тым выпадку, калі ў самаізаляванага з’яўляюцца пэўныя сімптомы: тэмпература, кашаль, насмарк і інш.

Заклікаю ўсіх выконваць элементарныя меры перасцярогі (закрываць нос і рот маскай, апрацоўваць рукі антысептыкам, мыць іх з мылам, праветрываць памяшканні) і весці здаровы лад жыцця.

Фота Паўла АРЛОЎСКАГА



Добавить комментарий

Ваш e-mail не будет опубликован. Обязательные поля помечены *