Шашкоўскія школьнікі далучылася да акцыі «Уберем снег вместе»

Важное Моладзь Стаўбцоўшчыны

image_pdfimage_print

Моладзь ДУА «Шашкоўская сярэдняя школа» далучылася да акцыі «Уберем снег вместе».

Валанцёры атрада «Добрае сэрца» расчышчаюць двор жыхарцы Шашкоў Лідзіі Іванаўне Стонька

Снегапады стварылі пэўныя цяжкасці людзям, якія жывуць ва ўласных дамах. Валанцёры нашай школы пастаянна дапамагаюць адзінокім пажылым людзям, інвалідам. Валанцёрскі атрад «Добрае сэрца» адправіўся ў госці да жыхаркі аграгарадка Шашкі Лідзіі Іванаўны Стонька, якая пражывае адна ў доме па вуліцы Цэнтральнай. Улічваючы ўмовы надвор’я, хлопцы займаліся ўборкай снегу каля дома і на двары. Валанцёры прынеслі дровы, дапамаглі па гаспадарцы. Яны прызналіся, што праца пайшла на карысць і даставіла масу прыемных эмоцый.

У зімні перыяд шашкоўскія школьнікі будуць і далей дапамагаць тым, каму гэта неабходна, гатовы падтрымаць установы аховы здароўя, чые намаганні накіраваны на барацьбу з каранавірусам. Акцыя працягнецца да канца зімняга перыяду.

Таццяна КОПАЧ, намеснік дырэктара па вучэбна-выхаваўчай рабоце ДУА «Шашкоўская сярэдняя школа»



Tagged

Добавить комментарий

Ваш e-mail не будет опубликован. Обязательные поля помечены *