Працаўніцы «Вялікага Двара»

Главное Сельская гаспадарка

image_pdfimage_print

Амаль паўстагоддзя ўзначальвае таварыства заслужаны работнік сельскай гаспадаркі Рэспублікі Беларусь Вольга Луцык. На працягу ўсяго гэтага часу гаспадарка была і застаецца адной з эканамічна моцных у раёне. Працоўныя заслугі Вольгі Аляксееўны адзначаны высокімі ўрадавымі ўзнагародамі. І не толькі. За сваю благачынную дзейнасць яна атрымала медаль прападобнай Ефрасінні Полацкай.

Вольга Луцык – прызнаны ў раёне і за яго межамі кіраўнік, з валявым характарам, якая на розных узроўнях умее сказаць важкае слова, да якога прыслухоўваюцца, і адстаяць сваю пазіцыю. Але ў першую чаргу яна – жанчына, заўсёды была і застаецца прывабнай, элегантнай і энергічнай. Вольга Аляксееўна сцвердзілася ў жыцці не толькі як кіраўнік, але і як маці, бабуля і прабабуля.

Бухгалтар Дзіяна Пікун, спецыяліст па ідэалагічнай рабоце Алена Цішчанка, загадчыца склада Людміла Стрыж, бухгалтары Клаўдзія Мядзведзь і Вікторыя Райская, галоўны эканаміст Ала Полацкая

У калектыве ААТ «Вялікі Двор» амаль палова працаўнікоў – жанчыны. Пераважная большасць з іх занята ў жывёлагадоўчай галіне. Дзякуючы штодзённай напружанай працы руплівіц гаспадарка мае высокі рэйтынг у мясной і малочнай галінах.

Комплекс «Вялікі Двор» – адно з лепшых у рэспубліцы сярод аналагічных вытворчых падраздзяленняў. У многім дзякуючы нялёгкай працы жаночай паловы калектыву. Яны сапраўдныя гаспадыні. Усё ўмеюць і ўсюды паспяваюць. І пры гэтым атрымліваюць дастойную заработную плату.

Аператары машыннага даення Вольга Якубоўская і Алена Швагерус

У адміністрацыйным будынку побач з вопытнымі рупяцца і маладыя спецыялісты, якія выдатна спраўляюцца з пастаўленымі перад імі задачамі. З веданнем справы шчыруюць работнікі ў дыспетчарскай і на складах.

Брыгадзір Людміла Сасюк (у цэнтры), аператары машыннага даення Юлія Марзалюк і Вольга Дабрыян

На рабоце ці дома ўсё трымаецца менавіта на плячах каханых, мілых і ласкавых, але такіх моцных духам прадстаўніц прыгожай паловы чалавецтва. І жанчыны «Вялікага Двара» не выключэнне. Няма такіх задач, з якімі б яны не справіліся.

Жывёлаводы Ірына Смецюх, Юлія Касякова, Алена Чэкан, Галіна Сілка, Наталля Харлап, Наталля Жылка, Наталля Дударава і Настасся Санько

Свята 8 Сакавіка – дзень захаплення жанчынамі. Не толькі іх прыгажосцю, але і іх працавітасцю, адданасцю сям’і. У таварыстве шчыруюць сямнаццаць шматдзетных мам, якія маюць трох і больш дзяцей.



Tagged

Добавить комментарий

Ваш e-mail не будет опубликован. Обязательные поля помечены *