Хлебаробы ААТ «Жацерава» ў аптымальныя тэрміны і якасна пасеялі азімыя збожжавыя культуры

Главное Сельская гаспадарка

image_pdfimage_print
Гэтымі днямі Артур Рокаш рупіўся на нарыхтоўцы кармоў – адвозіў з поля кукурузную масу

Насуперак цяжкасцям і дзякуючы старанню дружная каманда механізатараў таварыства спрацавала на выдатна: закладзена трывалася аснова будучаму ўраджаю. Сярод адзначаных падзячнымі пісьмамі райвыканкама, райкама прафсаюза работнікаў аграпрамысловага комплексу і Артур Рокаш, які шчыраваў на падрыхтоўцы глебы.

Артур Ігаравіч – малады спецыяліст. Сёлета вярнуўся працаваць на малую радзіму пасля заканчэння Беларускага дзяржаўнага аграрнага тэхнічнага ўніверсітэта. Кіраўніцтва таварыства прызначыла выпускніка вышэйшай навучальнай установы на пасаду інжынера па эксплуатацыі машынна-трактарнага парку. Адначасова ў перыяд масавых палявых кампаній Артур Ігаравіч садзіцца на трактар, за штурвал камбайна і шчыруе на палетках. Варта адзначыць, што на працягу пяці гадоў вучобы ён таксама працаваў падчас студэнцкіх канікулаў на збожжаўборачным камбайне, і сярод маладзёжных экіпажаў кожны сезон малады чалавек дабіваецца высокага намалоту збожжа. І сёлетні – не выключэнне. А пачынаў хлебаробскую справу памочнікам у бацькі, на той час перадавога камбайнера гаспадаркі.

Таксама адзначаны за шчырую працу в. а. галоўнага агранома Дзмітрый Янкоўскі і загадчык гаража Сяргей Амельчыц, які завіхаўся на сяўбе. Механізатары Сяргей Бандаровіч і Мікалай Алісіевіч вызначыліся на ворыве і ўнясенні мінеральных угнаенняў.

Своечасова пасеялі азімыя збожжавыя і працаўнікі ААТ «Каганец». За надзейную падрыхтоўку тэхнікі да сяўбы ўзнагароджаны галоўны інжынер Андрэй Клімко. Паказалі высокія вынікі на ворыве і падрыхтоўцы глебы механізатары Алег Ганчарэнка, Васілій Кажамяка і Аляксандр Кавалёў.

Усіх вышэйназваных добрасумленных спецыялістаў і механізатараў павіншавала з працоўнай перамогай, уручыла падзячныя пісьмы і падарункі старшыня райкама прафсаюза работнікаў АПК Тамара Калошыч.

Надзея БАТАЛКА, фота аўтара



Добавить комментарий

Ваш e-mail не будет опубликован. Обязательные поля помечены *