Аб рабоце з непаўналетнімі

Нумары Пракурорскі нагляд

image_pdfimage_print

За дзевяць месяцаў бягучага года зафіксаваны двухразовы рост злачыннасці сярод непаўналетніх раёна.

Ужо сёлета ўчынена падлеткамі 16 злачынстваў, супрацоўнікамі інспекцыі па справах непаўналетніх выяўлена сярод іх 133 адміністрацыйныя правапарушэнні. У дачыненні да 25-ці падлеткаў складзена 25 пратаколаў аб адміністрацыйных правапарушэннях. Па выніках праведзенай пракуратурай раёна праверкі выяўлены недахопы ў арганізацыі прафілактычнай работы інспекцыі з непаўналетнімі. У адрас начальніка РАУС унесены прадстаўленні, згодна з якімі да трох супрацоўнікаў прыменены меры матэрыяльнага спагнання.   

Пракуратурай праведзена праверка выканання заканадаўства аб прафілактыцы правапарушэнняў і злачынстваў сярод непаўналетніх у дзейнасці Навасвержанскай школы. Відавочна, што ўстановай адукацыі не рэалізуюцца паўнамоцтвы, прадастаўленыя ёй законам “Аб асновах сістэмы прафілактыкі безнагляднасці і правапарушэнняў непаўналетніх”. На пасяджэнні савета прафілактыкі не заўсёды выносяцца пытанні аб стане выхаваўча-прафілактычнай работы з вучнямі, праблемныя моманты ў рабоце педагога сацыяльнага, што ўплывае на эфектыўнасць прынятых рашэнняў, ды і яны нярэдка носяць дэкларатыўны характар. Дзейнасць савета прафілактыкі абмяжоўваецца разглядам інфармацый, пастаноўкай і зняццем непаўналетніх з уліку “сацыяльна небяспечных”.

Выяўленыя недахопы негатыўна адбіваюцца на якасці ўсёй прафілактычнай работы, якую праводзіць школа, і, самае галоўнае, выпадкі бескантрольнасці, беспакаранасці здольны “запусціць” ланцужок злачыннасці. У сувязі з гэтым Навасвержанскай школе ўнесена прадстаўленне, да аднаго супрацоўніка прыменены дысцыплінарныя меры.      

У верасні 2014 года прааналізавана выкананне заканадаўства аб прафілактыцы безнагляднасці і правапарушэнняў непаўналетніх у дзейнасці камісіі па справах непаўналетніх райвыканкама. Устаноўлена, што росту злачыннасці садзейнічала аслабленая работа з боку зацікаўленых суб’ектаў прафілактыкі, іх недастатковае ўзаемадзеянне, у прыватнасці, па арганізацыі занятасці непаўналетніх, папярэджанні сямейнай нядобранадзейнасці, правядзенні прафілактычнай работы з непаўналетнімі “падуліковай” катэгорыі.  

Якія тэндэнцыі найбольш трывожаць? На 01.09.2014 на ўліку ў інспекцыі знаходзіліся 64 падлеткі, ва ўрача-нарколага – 37. 33 абавязаныя асобы пражываюць на тэрыторыі раёна, ім неабходна кампенсаваць выдаткі на ўтрыманне 76-ці дзяцей. Кампенсацыя гэтых выдаткаў, паводле даных раённага аддзела адукацыі, спорту і турызму, складае 52,3 працэнта (на 01.10.2013 было 109,7; пасля праверкі выканання патрабаванняў Дэкрэта № 18 унесена прадстаўленне на адрас начальніка ўпраўлення па працы, занятасці і сацыяльнай абароне насельніцтва). 75 непаўналетніх з 44-х сем’яў знаходзяцца ў сацыяльна небяспечным становішчы, восем – прызнаны маючымі патрэбу ў дзяржаўнай абароне.

Выкананне патрабаванняў Дэкрэта № 18 праверана і ў аддзеле адукацыі, спорту і турызму. Выяўленыя парушэнні звязаны з нясвоечасовым накіраваннем іскавых заяў, дакументаў для спагнання ў парадку натарыяльнага надпісу і т. п. 

Дар’я АНІШЧУК, памочнік пракурора раёна



Tagged

Добавить комментарий

Ваш e-mail не будет опубликован. Обязательные поля помечены *