Кубак з Заечай паляны

Нумары Сацыяльная сфера Стаўбцоўшчыны Спорт

З дыпломам і кубкам вярнуліся стаўбцоўскія лесаводы з зімовай спартакіяды  работнікаў Мінскага дзяржаўнага вытворчага лесагаспадарчага аб’яднання. 

Спартакіяда з’яўляецца традыцыйнай, штогадовай, і праходзіць стабільна на адной і той жа пляцоўцы –  у Лагойску, на лыжна-біятлонным комплексе «Заечая паляна». У саставе нашай каманды выступалі шэсць работнікаў Стаўбцоўскага доследнага лясгаса. Некаторыя з іх маюць паспяховы вопыт удзелу ў зімовых відах спаборніцтваў. Сярод іх, несумненна, – вадзіцель Мікалай Гацура. І на гэты раз у індывідуальнай лыжнай гонцы на 5 км ён заняў у сваёй узроставай групе другое месца, чым ізноў заваяваў  пуцёўку на рэспубліканскую спартакіяду работнікаў лесу.

–  Нядрэнна выступіла ўся наша мужчынская  каманда –  заваявала трэцяе месца, за што і была ўзнагароджана дыпломам і кубкам спартакіяды, –  адзначыў   намеснік дырэктара лясгаса па ідэалагічнай рабоце Аляксандр Шарапа.       

Акрамя Мікалая Гацуры, імклівага вадзіцеля-лыжніка, за гэтае прызавое месца змагаліся разам  на розных этапах майстар лесу Апечкаўскага лясніцтва Вячаслаў Біруля і навальшчык-звальшчык Аляксандр Янькоў. У жаночай зборнай на старт выйшлі інжынер па лесааднаўленні Ганна Крысь, дыспетчар Таццяна Бернатовіч і бухгалтар Прудскога доследнага  лясніцтва Жанна Міхно.



Tagged

Добавить комментарий

Ваш e-mail не будет опубликован. Обязательные поля помечены *