Раённая арганізацыя інвалідаў па зроку ўпершыню сярод прызёраў

Па выніках работы ў 2019 годзе раённая арганізацыя інвалідаў па зроку ўпершыню названа сярод прызёраў: ёй прысуджана трэцяе месца сярод аналагічных грамадскіх арганізацый Мінскай вобласці, што падкрэслівае яе запатрабаванасць і актыўны ўдзел у жыцці грамадства.

Старшыня раённай арганізацыі Аляксандр Клімаш падзяліўся гэтай навіной, вярнуўшыся не так даўно са сходу Беларускага таварыства інвалідаў па зроку (БелТІЗ). Гэтае рэспубліканскае мерапрыемства праходзіла на базе спартыўна-аздараўленчага комплексу «Веста» з шырокім удзелам кіраўнікоў абласных і раённых арганізацый (сабралася больш за 400 чалавек) і прадстаўнікоў Міністэрства па працы і сацыяльнай абароне Рэспублікі Беларусь. Былі падведзены вынікі і акрэслены задачы на 2020 год.

Вядома, што ў бягучым годзе Беларускае таварыства інвалідаў па зроку чакаюць структурныя змены. Так, ужо распрацоўваецца новы статут грамадскай арганізацыі, а ў верасні збярэцца з’езд БелТІЗ. Мяркуецца, што члены раённых арганізацый пяройдуць пад юрысдыкцыю тэрытарыяльных цэнтраў, якія возьмуць на сябе пытанні забеспячэння інвалідаў па зроку тыфласродкамі, навучання невідушчых людзей карыстанню імі, аказання псіхалагічнай, рэабілітацыйнай і іншай дапамогі.

На даны момант раённая арганізацыя інвалідаў па зроку налічвае больш за 50 членаў і рыхтуецца да справаздачна-выбарнага сходу, правядзенне якога намечана на 6 красавіка.

Таццяна ПЯТКЕВІЧ




Что делать, если разбился градусник? МЧС дает три простых совета

Что делать, если разбился градусник?

Сегодня практически у каждого из нас имеются предметы, в которых содержится ртуть. Примерами таких предметов являются термометры, которые измеряют температуру в комнате, медицинские градусники, энергосберегающие лампы. Давайте разберемся, насколько же опасен разбившийся градусник или поврежденнаялюминесцентная лампа?

В обычном ртутном термометре может содержатся до 2 г ртути, в энергосберегающих лампах не более 2,5 мг, т.е. чуть ли не в 1000 раз меньше.Поэтому правильно будет указать, что разбившаяся лампа у потребителя дома − это не повод для паники.Однако, наверное, всем известно, что ртуть – это тяжелый металл и многие забывают, что он очень опасен. Ртуть испаряется при комнатной и даже нулевой температуре, а для человекав первую очередь опасны именно ее испарения. Признаки отравления проявляются в течение суток и выражаются в общей слабости, головной боли, боли при глотании, повышении температуры.

Что же делать, если вдруг разбился градусник или люминесцентная лампочка?

1. Проветривание

В первую очередь сразу же откройте все окна и двери, попросите всех людей, находящихся в помещении, выйти из него и не забудьте вывести домашних животных. При проветривании, какая-то часть паров ртути естественным путем улетучится. Также, плотно закройте двери во все смежные комнаты.

2. Механический сбор ртути

Для сбора ртути нельзя применять веник, швабру или пылесос,иначе после контакта с ртутью их также необходимо будет утилизировать. Сбор производим только в перчатках и средствах защиты дыхания (лучше всего подойдет ватно-марлевая повязка). Также спасатели рекомендуют использовать резиновую грушу, кисточку, плотные листы бумаги или картона, банка с раствором марганцовки, скотч или липкую ленту, губку для мытья посуды.

Итак, наденьте марлевую повязку и резиновые перчатки. Необходимо собрать шарики ртути на всей площади комнаты. Используйте для этого кисточку. Крупные шарики сметите на бумагу и ссыпьте в баночку с раствором марганцовки, а мелкие соберите с помощью резиновой груши или скотча и обязательно поместите их в ту же банку.

3. Химическая обработка

Возьмите 2 грамма марганцовки, растворите ее в 1 литре воды. Получится 0,2% водный раствор перманганата калия. Можно также использовать белизну или другие хлорсодержащие средства.Далее тщательно обработайте место (пол, щели между досками, стены), где разбилась лампа, градусник или другие устройства, содержащие ртуть. После следует обработать эти поверхности мыльно-содовым раствором (4% мыла растворить в 5% водном растворе соды). Повторяйте по 3-4 раза в течение нескольких дней. Не стоит забывать, что во время уборки комната должна проветриваться. При постоянном, интенсивном проветривании концентрация паров ртути придет в норму в течение 1-3 месяцев. Но, как правило, если все делать правильно и собрать ртуть достаточно оперативно, большой угрозы для жизни эта чрезвычайная ситуация не несет.

Запомните, банку с собранной ртутью ни в коем случае нельзя выбрасывать в урну или еще хуже, смывать в канализацию, подвергая опасности весь жилой дом.

Сообщаем, что в г.Столбцы (ул.Социалистическая, 40 Д) находится пункт приёма вторсырья, куда в случае необходимости можно отнести ртутьсодержащие отходы (телефон для справок: 801717 – 2-15-49).




Дзяніс Колясень сустрэўся з жыхарамі Налібацкага сельвыканкама

Старшыня раённага выканаўчага камітэта Дзяніс Колясень правёў у Налібацкім сельвыканкаме прыём грамадзян па асабістых пытаннях.

Наведвальнікі прыходзяць на прыём да старшыні райвыканкама па вельмі розных пытаннях. Здараецца, з зусім нечаканымі просьбамі і прапановамі. Тым не менш Дзяніс Сяргеевіч кожнага чалавека ўважліва выслухае, а калі няма магчымасці адразу аказаць канкрэтную дапамогу, то параіць, як і што лепш рабіць далей, куды звяртацца. Пытанне заўсёды знаходзіцца на кантролі, і, безумоўна, грамадзяне атрымліваюць пісьмовы адказ.

На гэты раз на прыём грамадзян прыйшлі ў асноўным жыхары вёскі Несцеравічы.

Міхаіл Агейка звярнуўся да Дзяніса Колясеня з просьбай вырашыць пытанне па асфальтаванні вуліцы Цэнтральнай у вёсцы Несцеравічы. Ён расказаў, што дарожнае пакрыццё разбіта лесавозамі, парушаецца хуткасны рэжым, дарога вузкая – гэта перашкаджае бяспечнаму руху транспарту.

– Праблема жыхароў вёскі Несцеравічы нам вядомая. Разам з дырэктарам ДРБУ № 135 Вадзімам Савіцкім мы абмяркоўвалі, што трэба зрабіць, каб дарога адпавядала запытам жыхароў. Прыйшлі да высновы, што сёння данае пакрыццё дарогі будзе рэстаўрыравана і падтрымлівацца ў тым выкананні, якое ёсць. А захаванне хуткаснага рэжыму даручым узяць пад кантроль ДАІ, – канстатаваў старшыня райвыканкама.

Міхаіл Агейка таксама падняў пытанні добраўпарадкавання звалкі і адсутнасці інтэрнэту ў іх мясцовасці.

Пытанні ўзяты на кантроль, і адпаведным службам даручана вывучыць сітуацыю і аказаць садзейнічанне ў вырашэнні паднятых праблем.

Міхаіл Раманавіч – індывідуальны прадпрымальнік і мае свой бульдозер. Ён гатовы прапанаваць свае паслугі суб’ектам гаспадарання раёна.

Юзэфа Ярчак дапоўніла свайго аднавяскоўца і падняла пытанні ўстаноўкі дадатковых кантэйнераў для збору цвёрдых бытавых адходаў, у тым ліку для пластыку і шкла, і добраўпарадкавання дарогі Ніўнае – Несцеравічы. Нават паступіла прапанова пракласці штучную няроўнасць па  вуліцы Цэнтральнай у вёсцы Несцеравічы.

Дзяніс Сяргеевіч запэўніў, што дадатковыя кантэйнеры будуць устаноўлены, і зазначыў, што вельмі прыемна, калі людзі самі выходзяць з ініцыятывай па раздзельным зборы смецця. Па дарозе ў напрамку Ніўнае – Несцеравічы будзе зроблены ямачны рамонт.

Старшыня Налібацкага сельвыканкама Генадзій Шыманец агучыў просьбу Уладзіміра Губара па добраўпарадкаванні пад’езда да дома яго маці.

Дзяніс Колясень унік у сітуацыю і даручыў дарожным службам падсыпаць даны ўчастак дарогі.

Дарэчы, тыя, хто прыйшоў на прыём, не толькі выказвалі свае набалелыя пытанні, прасілі дапамогі, але і дзякавалі за станоўчае вырашэнне пытанняў, якія агучваліся раней – падчас правядзення прамых тэлефонных ліній і прыёмаў грамадзян.

Дзяніс Колясень адзначыў, што вельмі важна чуць людзей, разумець іх, нават калі часам выказваюцца нестандартныя шляхі вырашэння праблем, і, па магчымасці, у рамках заканадаўства дапамагаць.

Нэлі Астрэйка

Фота Ксеніі РУБІН




Веснавую сяўбу трэба правесці своечасова

Фото: 189131.selcdn.ru

Яравую сяўбу на сельгаспраыдпрыемствах раёна плануецца сёлета правесці на 24 297 гектарах і ў аптымальныя тэрміны. Раннія яравыя збожжавыя і зернебабовыя зоймуць 7386 гектараў.

— Запланавана намалаціць у бункернай вазе, разам з зернем кукурузы, 89 139 тон збожжавых і зернебабовых культур, — адзначыў першы намеснік старшыні райвыканкама, начальнік упраўлення па сельскай гаспадарцы і харчаванні Дзяніс ДЗІШУК. — У наяўнасці 2929 тон кандыцыйнага насення, што складае 123 працэнты да патрэбнасці, для сортаабнаўлення і сартазмены ў элітгасах вобласці заказана 127 тон. Элітгас ААТ «Агранёманскі» закупіў 8,6 тоны насення новых сартоў высокай рэппрадукцыі.

Для забеспячэння жывёлагадоўчай галіны якаснымі кармамі плануецца правесці падсяванне шматгадовых траў на плошчы 5396 гектараў, у т.л. пасеяць 915 гектараў люцэрны, перазалужыць палепшаныя сенажаці і пашы на 3046 гектарах, стварыць шматкампанентныя пашы на 465 гектарах. У наяўнасці 149,9 тоны насення кандыцыйных шматгадовых траў, што складае 139 працэнтаў да задання.

Для грамадскага статка неабходна нарыхтаваць 9310 тон сена, 170 930 тон сенажу і 193 900 тон сіласу. Пры нарыхтоўцы кармоў асаблівая ўвага будзе ўдзяляцца закладцы сенажу ў палімерную плёнку і рукавы, асабліва з траў з высокім утрыманнем бялку. Такіх кармоў неабходна закласці не менш за 28 тысяч тон.

Усяго на пясяўную будзе назапашана каля 695 тысяч тон арганічных угнаенняў. У гаспадарках у наяўнасці больш за палову розных відаў мінеральных угнаенняў.

Адрамантаваны практычна ўсе неабходныя для правядзення пасяўной і догляду раслін трактары, сельгасагрэгаты і сельгасмашыны.

Надзея БАТАЛКА




ААТ «Агранёманскі», былы калгас імя Леніна

Фото носит иллюстративный характер

Цёплы прыём, увага да нас, ветэранаў працы, і адчуванне таго, што акунуліся ў маладосць, – такія ўражанні засталіся ў стаўбчанкі Алены Мамонька, якая была запрошана на святкаванне 70-годдзя ААТ «Агранёманскі».

У тадышнім калгасе імя Леніна Алена Сяргееўна працавала з 1971 па 1983 год на пасадзе намесніка старшыні, сакратара парткама. «Прыступіла да працы ў гаспадарцы, а назаўтра пачалося жніво, – прыгадвае Алена Мамонька, уладальніца медаля «За працоўную доблесць» і іншых узнагарод. – Спраў у нашым самым вялікім калгасе раёна, у самай вялікай партыйнай арганізацыі было шмат. А я была маладой, амбіцыёзнай, усюды хацела паспець. Памятаю, як выходзілі на суботнікі і нядзельнікі, ладзілі спаборніцтвы сандружын, камсамольскія вяселлі…»

На святкаванні Алена Мамонька пабачылася з многімі даяркамі, трактарыстамі, загадчыкамі фермаў, з якімі разам працавалі і дабіваліся высокіх вынікаў. Час прайшоў, але людзі не забылі адзін аднаго. Не забыла сваіх былых работнікаў і цяперашняе кіраўніцтва гаспадаркі. Сустрэча атрымалася вельмі цёплай, хвалюючай. Дырэктар ААТ «Агранёманскі» Дзяніс Захарчук падзяліўся поспехамі гаспадаркі, яе найбліжэйшымі планамі, якія сведчаць пра развіццё, рэалізацыю значных інвестыцыйных праектаў.

Алена Мамонька кажа, што з гаспадаркай сувязі не губляла: увесь час чытае ў раённай газеце пра справы агранёманцаў і знаходзіць пацвярджэнне былой славы калгаса.

У гэтым прызнанні – і водгулле лёсу, цесна звязанага з гісторыяй свайго раёна, і ўдзячнасць гаспадарцы, якая не забывае ветэранаў працы.

Таццяна ПЯТКЕВІЧ




Абанентаў многа, але першы – адзін

На Стаўбцоўшчыне ў папулярнага пакета паслуг «Ясна» налічваецца ўжо 3452 абаненты. 

У Стаўбцоўскім занальным вузле электрасувязі вырашылі ўшанаваць таго, хто быў першым.

Вользе Шуцько (у цэнтры), першаму абаненту пакета паслуг «Ясна» на Стаўбцоўшчыне, уручаюць падарунак начальнік Стаўбцоўскага занальнага вузла электрасувязі Міхаіл Касабуцкі і начальнік участка продажаў Таццяна Салавей

Гэта шматдзетная сям’я Шуцько з вуліцы Міру, 12, у Стоўбцах, якая 26 красавіка 2016 года падключылася да новага на той час пакета паслуг.

– Тады мы сумняваліся, ці варта адгукацца на прапанову, – шчыра прызнаецца Вольга. – Сёння нас усё задавальняе. У пакеце – хуткасны інтэрнэт, безлімітныя тэлефонныя размовы і 125 каналаў тэлебачання. Плануем устанавіць яшчэ адзін прыёмнік, каб была магчымасць гля-дзець адначасова два тэлевізары. У нашай сям’і тэлебачаннем захапляюцца муж, дзеці (асабліва самы малодшы – чатырохгадовы сын, які любіць глядзець мульцікі). Мне падабаецца функцыя перамоткі. Пакетам паслуг «Ясна» карыстаюцца і нашы суседзі па доме, – дадае Вольга.

Цікавімся ў Вольгі, матулі траіх дзяцей: «З інтэрнэтам і тэлевізіяй усё зразумела, а наколькі запатрабаваныя ў пакеце паслуг безлімітныя тэлефонныя размовы, калі цяпер век мабільных тэлефонаў?»

– Я магу размаўляць паўтары гадзіны па звычайным тэлефоне з сяброўкай, якая жыве ў Нясвіжскім раёне. Выгадна, таму што ў мяне на мабільным тэлефоне  нумар МТС, а ў яе –  нумар аператара А1. І я, і муж тэлефануем па «безліміце» Белтэлекама бацькам, – тлумачыць жанчына.

Карыстаючыся выпадкам, начальнік участка продажаў Таццяна САЛАВЕЙ расказала пра іншыя навінкі сувязі ў раёне.

Так, падключаны першыя абаненты паслугі «Дамафон» – гэта жыльцы шматпавярховага дома  №  103 па вуліцы Ленінскай у райцэнтры. Цяпер ім  можна праз тэлефон  (без устаноўкі дадатковага абсталявання) кіраваць функцыяй адкрывання дзвярэй. У шматпавярховым мікрараёне Стоўбцаў папулярнасць набывае паслуга «Відэакантроль». Па жаданні жыльцоў ёю ўжо карыстаюцца  ў шасці дамах па вуліцы Міру. Ахоп навакольнай тэрыторыі дазваляе трымаць у полі зроку аўтастаянку, дзіцячую пляцоўку ля дома. А паслугі  «Антывірус» і «Бацькоўскі кантроль» карыстаюцца попытам не толькі сярод жыхароў, але і сярод арганізацый раёна.

Знаёмячы з планамі на 2020 год, начальнік Стаўбцоўскага занальнага вузла электрасувязі Міхаіл КАСАБУЦКІ расказаў пра працяг праграмы будаўніцтва ў раёне оптавалаконных ліній сувязі. Сярод новых аб’ектаў – Новы Свержань, Заямнае, Сцяцкі, а таксама мікрараён прыватнай забудовы Стоўбцаў, уключаючы вуліцы Набярэжную, Камуністычную, М. Горкага, Маякоўскага і інш. Раней аналагічныя работы былі распачаты ў так званым Царскім сяле – па вуліцах Будаўнікоў, Багдановіча, Садовай, Сонечнай, Дружнай, Івянецкай. У планах на 2021 год значацца Коласава, Наваколасава і Дзераўная.

– Міхаіл Іванавіч, якія інвестыцыі былі ўкладзены ў развіццё сродкаў сувязі раёна ў 2019 годзе?

– Інвестыцыі немалыя – 2 мільёны 200 тысяч рублёў. І далей гэтая тэндэнцыя працягнецца. Ажыццяўляем маніторынг, каб забяспечыць населеныя пункты, дзе ёсць 50 двароў і больш, хуткасным інтэрнэтам.

Варта сказаць, што летась былі пераключаны на оптавалаконныя лініі сувязі новыя мікрараёны індывідуальнай жылой забудовы «Паўночны-2» і «Паўднёвы», а таксама ўвесь шматпавярховы мікрараён райцэнтра.

Таццяна ПЯТКЕВІЧ, фота аўтара




У ААТ «Радзіма Якуба Коласа» працуюць дружнай камандай

Раннія яравыя збожжавыя ў ААТ «Радзіма Якуба Коласа» зоймуць сёлета плошчу 366 гектараў. Першым у гаспадарцы пасеялі на 26 гектарах авёс і напрыканцы мінулага тыдня прыступілі да сяўбы ячменю.

– Пачакалі, пакуль пройдуць замаразкі, і вывелі на палеткі пасяўны камбінаваны агрэгат, – расказвае галоўны аграном Аляксей Чандакоў. – Іх у нас два. Задзей-нічаем і новы, які купілі ў лютым. Калі надвор’е будзе спрыяльнае, то сяўбу ранніх яравых збожжавых мы завершым у першых чыслах красавіка.

Галоўны аграном Аляксей Чандакоў (злева) абмяркоўвае аб’ём работы з механізатарам Віталіем Ждановічам і брыгадзірам Сяргеем Сарокам

За Жыгалкамі на трактары «Атлес» з камбінаваным пасяўным агрэгатам шчыраваў механізатар Віталій Ждановіч. Віталій Вячаслававіч хоць і працуе ў таварыстве другі год, але сейбіт вопытны. Ён раней завіхаўся ў адной з гаспадарак суседняга, Нясвіжскага раёна. Галоўны аграном задаволены работай механізатара. Яшчэ некалькі кругоў – і 55-гектарнае поле тут будзе засеяна. Дарэчы, на 150 гектарах пасеюць піваварны ячмень сорту «дэспіна», які добра зарэкамендаваў сябе летась, а таксама сорт «магутны».

На загрузчыку насення ў бункер сеялкі заняты вадзіцель Эдуард Рымашэўскі. На працягу пятнаццаці гадоў ён прымае ўдзел у пасяўных кампаніях. Падчас жніва на даручаным яму МАЗе адвозіць збожжа ад камбайнаў і неаднаразова выходзіў пераможцам раённага спаборніцтва.

Механізатары Марат Берташ і Уладзімір Калевіч заняты на падрыхтоўцы глебы

На палетках за Паласнёй рыхтавалася глеба пад сяўбу кукурузы. На культывацыі быў заняты Уладзімір Калевіч, стаж работы якога ў гаспадарцы налічвае тры дзесяцігоддзі, з іх дванаццаць гадоў ён  шчыруе на трактары. У пары з ім працаваў Марат Берташ, які ўносіў фосфарныя мінеральныя ўгнаенні. На ўнясенні арганічных угнаенняў – а іх у гаспадарцы нарыхтавана каля 50 тысяч тон – задзейнічаны механізаваны атрад, у складзе якога механізатары Міхаіл Ванагель, Алег Касцючэнка,Уладзімір Шахаў, якія ўносілі кампосты, а на пагрузчыку рупіўся Мікалай Ус. Да сяўбы прапашных культур у таварыстве мяркуюць прыступіць у канцы першай дэкады красавіка.

У складзе механізаванага атрада – Алег Касцючэнка, Уладзімір Шахаў, Міхаіл Ванагель і Мікалай Ус

Адначасова вядзецца ў гаспадарцы падкормка азімых збожжавых, якія размясціліся адпаведна на 980 гектарах. Пасевы рапсу падкормлены на 250 гектарах. Рупіцца Генадзій Янскі. Генадзій Гена-дзьевіч – перадавік вытворчасці, заўсёды добрасумленна выконвае даручаную работу.

Вядзецца сяўба збожжавых

Механізатары працуюць дружнай камандай. На вышыні і агранамічная служба. І, як вынік, у таварыстве з году ў год вырошчваюцца неблагія ўраджаі ўсіх сельскагаспадарчых культур. Каб атрымаць высокія паказчыкі, прыкладаюцца намаганні і сёлета.




4 красавіка прамую тэлефонную лінію правядзе Ала Янкоўская

4 красавіка 2020 года з 09.00 да 12.00 прамую тэлефонную лінію правядзе кіраўнік спраў райвыканкама  Ала Рыгораўна ЯНКОЎСКАЯ.

Пытанні задавайце па тэл. 5-16-29, дадатковая лінія – 5-01-50.