Ветэраны, насіце медалі!

Урачыстасці з нагоды ўручэння юбілейных медалёў "65 гадоў Перамогі ў Вялікай Айчыннай вайне1941-1945 гадоў" быў прысвечаны  святочны агеньчык у піцэрыі "Ветразь", на які прыехалі прадстаўнікі ветэранскіх арганізацый раёна, у тым ліку Мікалаеўшчынскага дома-інтэрната для  ветэранаў вайны і працы, інвалідаў.

З прывітальным словам да ўдзельнікаў урачыстасці звярнуўся старшыня раённага выканаўчага камітэта Уладзімір Місько і ўручыў разам з раённым ваенным камісарам Сяргеем Падалянчыкам юбілейныя медалі.

Работнікі культуры раёна падрыхтавалі выдатны канцэрт з рэпертуарам ваеннай тэматыкі. Ветэраны з удзячнасцю скарысталі магчымасць пагаварыць, разам адпачыць, успомніць мінулае, расказаць свае навіны.

Усяго ў раёне - райцэнтры і сельсаветах -  да вялікай даты было ўручана  310 юбілейных медалёў. Іх атрымалі ўдзельнікі Вялікай Айчыннай вайны, працаўнікі тылу, непаўналетнія вязні фашысцкіх лагераў.

Фота Васіля ЗЯНЬКО.