Маніторынг даў ацэнку

Па выніках маніторынгу, праведзенага ў раёне міжведамаснымі абласной і рэспубліканскай камісіямі па рэалізацыі Дэкрэта № 18, работа раённых службаў у гэтым накірунку прызнана здавальняючай.

На самым высокім узроўні вывучалася работа з нядобранадзейнымі сем'ямі, абавязанымі асобамі і іх працаўладкаваннем. Правяраючыя пабывалі ў многіх сельскіх Саветах і на прадпрыемствах, выязджалі ў сем'і.  Як станоўчае было адзначана, што ўсе структуры і службы цесна ўзаемадзейнічаюць паміж сабою, штомесяц абнаўляецца банк даных і свежая інфармацыя адразу паступае ўсім зацікаўленым. На добрым узроўні - ранняе выяўленне нядобранадзейных сем'яў з боку ўстаноў аховы здароўя. І пачатак гэтаму - яшчэ калі жанчына толькі чакае нараджэння дзіцяці, становіцца на ўлік у паліклініцы або на ФАПе.