Што стаіць за лічбамі

У дзень інфармавання, які прайшоў на Стаўбцоўшчыне 18-19 лістапада, у працоўных калектывах раёна разам з інфармацыйна-прапагандысцкімі групамі райвыканкама пабывалі і прадстаўнікі абласных арганізацый.

У абмеркаванні актуальнай тэмы "Праграма сацыяльна-эканамічнага развіцця краіны на 2011-2015 гг. - новы воблік беларускай дзяржавы" прынялі ўдзел таксама начальнік галоўнага статыстычнага ўпраўлення Мінскай вобласці Уладзіслаў Мяцеж і старшыня абласной арганізацыі КПБ, старшыня каардынацыйнага савета грамадскіх аб'яднанняў і палітычных партый Мінскай вобласці Марыя Худая. 

Сустрэчы ладзіліся з працаўнікамі ўпраўлення па працы, занятасці і сацыяльнай абароне райвыканкама, райспажыўтаварыства, аддзялення Белаграпрамбанка, МАУП "Стаўбцоўская ПМК", а таксама з жыхарамі Наваколасаўскага, Заямнаўскага, Хатаўскога і Мікалаеўшчынскага сельсаветаў.