За бездакорную службу

Начальнік МРЭА аддзела ДАІ райаддзела міліцыі Віктар Будзіловіч узнагароджаны медалём "За бездакорную службу". Указ аб узнагароджанні падпісаў Прэзідэнт Рэспублікі Беларусь.

Высокую ўзнагароду за ўзорнае выкананне службовых абавязкаў уручыў калегу разам з добрымі пажаданнямі начальнік райаддзела міліцыі Алег Савасцей. Урачыстасць праходзіла непасрэдна ў будынку міжраённага рэгістрацыйна-экзаменацыйнага аддзялення, у прысутнасці супрацоўнікаў міліцыі і грамадзян, жыхароў пяці раёнаў, якіх МРЭА абслугоўвае. Іменна яны і могуць пацвердзіць, што калектыў аддзялення на чале з Віктарам Будзіловічам працуе кваліфікавана, аператыўна, якасна. У міліцыі ўладальнік медаля служыць з 1999 года, карыстаецца заслужаным аўтарытэтам.

Акрамя Віктара Будзіловіча быў адзначаны і інжынер-інспектар гэтага аддзялення Анатоль Паўловіч. Адзнака - юбілейны медаль у сувязі з 25-годдзем аварыі на Чарнобыльскай АЭС - сведчыць пра асабісты ўдзел Анатоля Браніслававіча ў ліквідацыі аварыі і, зразумела, пра тое, што супрацоўнікі міліцыі заўсёды былі, ёсць і будуць на пярэднім краі жыцця краіны.  

НА ЗДЫМКУ: начальнік райаддзела міліцыі Алег Савасцей уручае ўзнагароду Віктару Будзіловічу.