Дзераўнянскі асілак
Нумар - №203-205 Рубрыка - Спорт
21.10.2011
Адразу і не падлічыш, колькі прызавых узнагарод мае асілак з Дзераўной Анатоль Вільнявец. Памятнымі стануць і яго рэгаліі ў знак перамогі на абласной спартакіядзе ў Слуцку.
У спаборніцтве па гіравым спорце Анатоль прадстаўляў аграпрам. На гэтую дэталь трэба ўказаць, бо спартакіяда была міжгаліновай. І, скажам, з нашым Вільняўцом практычна на роўных вёў спрэчку прадстаўнік хімічнай галіны. Аднак задаволіўся ён толькі другім месцам. А Анатоль і правай, і левай рукой падняў двухпудовую гіру ажно 180 разоў. Гэтага хапіла для перамогі.
Такім чынам, Вільнявец пацвердзіў, што нездарма з'яўляецца кандыдатам у майстры спорту. І форму спартыўную ён увесь час падтрымлівае актыўнымі трэніроўкамі.
