З "Іскры" – ідэі

Валанцёрскі атрад "Іскра" з ліку вучняў Заямнаўскай школы заняў трэцяе месца ў абласным экалагічным конкурсе "Моладзь за чысціню гарадоў і вёсак".

- За свае добрыя справы рабяты ўзнагароджаны Граматай абласнога камітэта БРСМ і грашовай прэміяй, -  расказала першы сакратар раённага камітэта БРСМ Дзіяна Ранцюк.

Стараннямі валанцёраў-"іскраўцаў" і іх настаўнікаў у роднай вёсцы Заямнае, дзе яны жывуць і вучацца, запалены сапраўдны агонь цікавых ідэй, жадання тварыць новае сваімі рукамі.

На працягу лета і цяпер, восенню, валанцёрскі атрад добраўпарадкуе школьную тэрыторыю, вуліцы і скверы, наводзіць парадак каля помнікаў. Для рабят важна тое, у якім стане знаходзіцца іх вёска і, адметна, цяпер яны ўсведамляюць, што чысціню і парадак трэба абавязкова падтрымліваць і ствараць самім.