3 лістапада – 129-я гадавіна з дня нараджэння Якуба Коласа
Нумар - №211-212 Рубрыка - Духоўная і гістарычная спадчына
01.11.2011
Малюнкі родныя і з'явы!
Як вы мне любы, як цікавы!
Як часта мілай чарадою
Вы ўстаяце перада мною!
І так панадна смеяцеся
Жывою баграю па лесе,
І златаблескімі снапамі
Праменняў-стрэлаў над палямі,
І брыльянцістаю расою,
Калі гарачаю касою
Скрозь лісцяў сетачкі-аконцы
На ёй заззяе ціха сонца.
Я бачу роўныя пакаты
Палёў за Нёмнам і іх шаты -
Аўсоў палоскі, лавы жыта,
Што морам золата разліта...
(Якуб КОЛАС . "Новая зямля")
НА ЗДЫМКАХ: у родным куце песняра - сын Якуба Коласа доктар тэхнічных навук Міхась Міцкевіч; паэты Мікола Маляўка, Яўген Хвалей, Казімір Камейша.
Фота Васіля ЗЯНЬКО
