Пелеты, якія прыносяць валюту

Круціцца вялізны сушыльны барабан з апілкамі, і некалькі рабочых сочаць за вытворчым працэсам.

Трое чалавек - гэта калектыў, які па зменнаму графіку абслугоўвае ўсё абсталяванне на пелетным участку Стаўбцоўскага доследнага лясгаса і выдае ў сярэднім 7 тон прадукцыі ў змену. За месяц - 80 тон. Калі абсталяванне не падводзіць, то іншых прычын для зніжэння нормы выпуску звычайна не бывае. Сыравіны хапае, вытворчасць пелетаў наладжана кругласутачна. Вось яны, спрасаваныя ў "бобкі" апілкі, ужо ўпакаваны ў аб'ёмныя мяхі вагою да адной тоны кожны і чакаюць сваёй адпраўкі "за кардон".

Майстар пелетнага ўчастка Андрэй Жылінскі, які затрымаўся ля шчытоў кіравання, патлумачыў:

-  Уся пелетная прадукцыя - экспартная. У нас яна не затрымліваецца - з участка адразу загружаецца ў вагоны.

"Праўда, бачыце вунь тыя невя-лікія мяшочкі? - паказвае майстар. -  Гэта заказалі жыхары раёна для абагрэву сваіх дамоў". 

Перспектыўная пелетная вытворчасць стала развівацца ў лясгасе дзесьці тры гады таму. Андрэй Жылінскі быў прызначаны майстрам пелетнага ўчастка  з самага пачатку. Кіраўніцтва прадпрыемства добра ведала Андрэя Міхайлавіча па яго рабоце ў Акінчыцкім дрэваапрацоўчым цэху.

Ля абсталявання акурат завіхалася змена ў складзе Аляксандра Лойкі і Артура Мілашэўскага. Бачылі, як стараюцца  маладыя работнікі. Майстар пахваліў іх: "Звычайна, іменна іх змена больш за іншыя  вырабляе  пелетаў".

НА ЗДЫМКАХ: пелетная вытворчасць лясгаса і яе майстар Андрэй Жылінскі.

Фота Васіля ЗЯНЬКО