Батарэйку не выкідвай, а здай
Нумар - №213-215 Рубрыка - Моладзь Стаўбцоўшчыны
04.11.2011
Моладзь раёна ўдзельнічае ў абласным экалагічным праекце "Захаваем прыроду Міншчыны" - па зборы адпрацаваных элементаў сілкавання.
Не сакрэт, што начыненыя хімічнымі элементамі батарэйкі, якія трапляюць у звычайнае смецце, наносяць вялікую шкоду прыродзе. Адслужыўшы свой век, яны павінны ісці на спецыяльную перапрацоўку.
Каб прыцягнуць увагу да гэтай праблемы, раённы камітэт БРСМ сумесна з райінспекцыяй прыродных рэсурсаў і аховы навакольнага асяроддзя мяркуюць арганізаваць акцыю ў два этапы. Першы этап - гэта конкурс электронных брашур на тэму "Чым шкодныя старыя батарэйкі". На другім этапе - непасрэдна збор іх і здача для ўтылізацыі.
