Знатакі на брэйн-рынгу

Аддзелам адукацыі райвыканкама сумесна са стаўбцоўскім аддзелам па надзвычайных сітуацыях праведзена 2-я раённая гульня брэйн-рынг "Знатакі асноў бяспекі жыццядзейнасці".

Ставілася мэта выявіць уменні, веды і дзеянні вучняў ва ўмовах надзвычайных сітуацый, а разам з тым і папулярызаваць прафесію выратавальніка.

Пераможцам сярод 19 каманд школ раёна стала Старасвержанская СШ пад кіраўніцтвам намесніка дырэктара па выхаваўчай рабоце Людмілы Вайдзілевіч.

Высокі ўзровень ведаў у час спаборніцтваў, якія праходзілі ў СШ № 3 г. Стоўбцы, паказалі таксама каманды СШ № 3 г. Стоўбцы, Дзераўнянскай, Рубяжэвіцкай сярэдніх школ, стаўбцоўскай гімназіі № 1.

Каманда Старасвержанскай СШ узнагароджана кубкам і памятным падарункам і прыме ўдзел у абласных спаборніцтвах па асновах бяспекі жыццядзейнасці.