За круглым сталом з ветэранам
Нумар - №216-218 Рубрыка - Ахова правапарадку
11.11.2011
Дзень ушанавання ветэранаў міліцыі, які па старой добрай традыцыі прыпадае на 10 лістапада, сёлета набыў адметнасць і з-за яшчэ адной падзеі.
Напярэдадні споўнілася 75 гадоў Марыі Хлапіцкай, былому начальніку пашпартнага стала. Павіншаваць з юбілеем Марыю Казіміраўну, якая праслужыла ў органах правапарадку 34 гады, завіталі да яе дамоў сённяшнія супрацоўнікі райаддзела, у тым ліку маладое папаўненне.
Ветэрану міліцыі было прыемна атрымаць ад калегаў прыгожы букет, святочны торт. Было што ўспомніць ёй, чым падзяліцца з маладымі міліцыянерамі са свайго жыццёвага і прафесійнага досведу за чаяпіццем. Цёплая і ўзаемакарысная размова атрымалася ў нас, яе можна назваць своеасаблівым круглым сталом.
Пра тое, што Марыя Казіміраўна па-ранейшаму застаецца ў страі райаддзела міліцыі, гаворыць памятны знак "Стаўбцоўскі РАУС", уручаны ёй з нагоды юбілею.
НА ЗДЫМКУ: юбіляр Марыя Хлапіцкая сярод супрацоўнікаў РАУС.
