У ходзе маніторынгу
Нумар - №230-232 Рубрыка - Жыццё. Улада. Чалавек
03.12.2011
На гэтым тыдні праводзіўся рэспубліканскі маніторынг работы дзяржаўных органаў са зваротамі грамадзян і юрыдычных асоб. У ходзе маніторынгу вывучаліся праблемы, якія хвалююць людзей, і шляхі іх вырашэння. Пісьмовыя і вусныя звароты бяруцца на кантроль і накіроўваюцца ў адпаведныя органы кіравання для аб'ектыўнага іх вырашэння.
Рабочую групу, якая працавала ў Мінскай вобласці, узначальваў Дзяржаўны сакратар Савета Бяспекі Л. С. Мальцаў. У мінулы панядзелак ён сустрэўся з жыхарамі Стаўбцоўскага раёна, правёў прыём грамадзян. Члены рабочай групы пабывалі ў працоўных калектывах, высвятлялі, як выконваюцца даручэнні кіраўніка дзяржавы, дадзеныя на нарадзе па пытаннях павышэння эфектыўнасці работы са зваротамі грамадзян.
