Неадкладна, па сігнале
Нумар - №243-244 Рубрыка - Ахова правапарадку
21.12.2011
Паведаміць у газеце аб лепшых супрацоўніках просіць начальнік Стаўбцоўскага аддзялення Дэпартамента аховы МУС РБ Генадзій Круцько. І прыводзіць наступны факт.
Нараду групы затрымання ў саставе вадзіцеля старшыны міліцыі С. Грыгор'еўскага і кінолага старшыны міліцыі Д. Ноека, якія неслі службу па ахове аб'ектаў і грамадскага парадку ў горадзе Стоўбцы, у позні вячэрні час паступіла ўказанне ад аператыўнага дзяжурнага па РАУС аб выбыцці на месца здарэння. Неадкладна нарад міліцыі прыбыў да піцэрыі "Ветразь", дзе быў пашкоджаны аўтамабіль. І па свежых слядах затрымаў стаўбчаніна з украдзенымі з легкавіка люстэркамі. Па факце крадзяжу ўзбуджана крымінальная справа.
