Пісьмо з Яроцына
Нумар - №250-252 Рубрыка - Адукацыя
31.12.2011
З радасцю атрымалі ў стаўбцоўскай гімназіі № 1 пісьмо ад сяброў з Польшчы - з горада Яроцына. У ім былі цёплыя словы віншаванняў з Нараджэннем Хрыстовым і Новым годам і прапанова далейшага цеснага супрацоўніцтва.
Нагадаем, што ў пазамінулым навучальным годзе ў рамках ажыццяўлення маладзёжнай праграмы міжнароднага супрацоўніцтва яроцынскі ліцэй-гімназія і стаўбцоўская гімназія абмяняліся візітамі - у Стоўбцы прыехалі польскія гімназісты, а нашы - наведалі яроцынскую навучальную ўстанову.
Кіраўніцтва стаўбцоўскай гімназіі з удзячнасцю і гатоўнасцю прыняло прапанову калег з Польшчы на працяг далейшых сяброўскіх сувязяў.
