На сувязі – рэдакцыя

Пенсіянеры вёскі Слабодка Цеснаўскога сельсавета звярнуліся з  просьбай, каб ім абсталявалі аўтобусны прыпынак. Цяпер у  чаканні аўтобуса ці аўталаўкі ім даводзіцца стаяць пад адкрытым небам ці сядзець на фундаменце будынка былога магазіна, што для іх ужо цяжка з-за  шаноўнага ўзросту.

Рэдакцыя атрымала рэагаванні.

Старшыня праўлення райспажыўтаварыства Віктар Галаўко паведамляе на зварот стаўбчан, што іх просьба аб рамонце магазіна № 19 у  Стоўбцах ля былога малочнага завода разгледжана на ведамаснай нарадзе. Праўленне райспажыўтаварыства ўключыла рамонт гэтага магазіна ў план 2012 года, таму што   цяпер ведамасная будаўнічая брыгада выконвае тэрміновыя работы па капітальным  рамонце двух іншых аб'ектаў гандлю.

Начальнік раённага вузла электрычнай сувязі М. І. Касабуцкі паведамляе, што ў Наваколасаве праваднога вяшчання няма. Даная паслуга не прадастаўляецца з-за таго, што прынята рашэнне аб паступовай рэарганізацыі сеткі радыёвяшчання з заменай праваднога радыё на эфірнае. З пасёлка Коласава заявак у бюро рамонту не паступала.