Дапамога, патрэбная ветэранам
Нумар - №84-87 Рубрыка - Памяць
06.05.2011
У пярэдадзень майскіх свят было прынята рашэнне аб выдзяленні дзесяці ветэранам вайны раёна матэрыяльнай дапамогі, неабходнай для вырашэння жыццёва важных пытанняў.
Сярод узнікшых праблем - рамонт жылля, сантэхнічнага і газавага абсталявання, набыццё лекаў і т.п. На гэтыя мэты для ветэранаў, якія маюць вострую патрэбу, усяго выдаткавана 1 мільён 450 тысяч рублёў.
На сваім чарговым пасяджэнні камісія па выкарыстанні сродкаў, зацверджаных у бюджэце раёна на аказанне дапамогі асобам, якія часова трапілі ў складаную жыццёвую сітуацыю, задаволіла хадайніцтвы сельскіх Саветаў на аснове актаў абследавання матэрыяльна-бытавых умоў інвалідаў і ўдзельнікаў вайны.
