Гарачая пара ў доме-інтэрнаце
Нумар - №111-112 Рубрыка - Добраўпарадкаванне
14.06.2011
З абласнога бюджэту выдаткавана сёлета 150 мільёнаў рублёў для правядзення рамонтных работ у Стаўбцоўскім псіханеўралагічным доме-інтэрнаце.
- Гэтыя сродкі ўжо практычна асвоены, - тлумачыць дырэктар установы Юрый Каласоўскі. - 96 мільёнаў рублёў выкарыстаны на бягучы рамонт дахаў над карпусамі ("залаталі" самыя праблемныя кропкі), а астатнія пайшлі на рамонт кацельнага абсталявання.
Дом-інтэрнат газіфікаваны, але ў апошні час тут перайшлі на выкарыстанне мясцовых, больш эканамічных відаў паліва. Заключаны дагавор з мясцовым лясгасам на забеспячэнне на зіму дровамі і з райпалівазабеспячэннем - брыкетамі.
Гэтай парой намаганні калектыву ўстановы накіраваны на падтрыманне належнага парадку на сваёй тэрыторыі.
