На сувязі — рэдакцыя
Нумар - №116-117 Рубрыка - На сувязі – рэдакцыя
20.06.2011
Ад імя жыхароў вуліцы Падгорнай Новага Свержаня звярнуўся ў рэдакцыю Аляксандр Некрашэвіч, каб расказаць, у які незайздросны стан ператворана іх вуліца. Яна знаходзіцца па дарозе ў кар'ер. Вялікагрузныя машыны з пяском разбілі вуліцу так, што ехаць па ёй на легкавой машыне і ісці пешшу стала немагчыма. Кар'ер можна аб'ехаць, аб'язны шлях кароткі, аднак грузавыя машыны калясяць менавіта на вясковай вуліцы. Знак забароны праезду велікагрузных машын у гэтым жылым сектары не ўстаноўлены.
Жыхары вуліцы Шаўчэнкі райцэнтра таксама занепакоены станам дарогі на іх вуліцы. Ехаць па ёй стала праблематычна з-за выбоінаў. Прапаноўваюць выраўняць вуліцу хоць бы падсыпкай асфальтавай крошкай.
