Каляндар з асветніцкай функцыяй

У рамках Еўрапейскага тыдня імунізацыі праводзіўся конкурс сярод устаноў аховы здароўя на лепшы макет кішэнных календароў аб пазітыўнай ролі прафілактычных прышчэпак.

Урач-валеолаг цэнтральнай раённай бальніцы Ірына Пярхальская распрацавала арыгінальны макет календара, які быў аддрукаваны. Каляндар прызнаны лепшым у вобласці, а ў рэспубліцы   цэнтральная раённая бальніца ў гэтай намінацыі заняла другое месца.

Асветніцкай справе па неабходнасці данесці да насельніцтва важныя моманты абавязковай імунізацыі супраць небяспечных інфекцый служаць і іншыя мерапрыемствы - выступленні спецыялістаў у розных аўдыторыях, правядзенне круглых сталоў, прэс-канферэнцый, тэматычных лекцый, урачэбных кансультацый. Сіламі валеалагічных службаў цэнтральнай раённай бальніцы і раённага цэнтра гігіены і эпідэміялогіі падрыхтаваны пакет інфармацыйных матэрыялаў па вакцынапрафілактыцы.