Хадзьба – для здароўя

Асноўны кампанент захавання здароўя - гэта фізічная актыўнасць. Спартыўныя практыкаванні дапамагаюць падтрымліваць агульны тонус арганізма, змяншаюць крывяны ціск і небяспеку ўзнікнення сардэчна-сасудзістых захворванняў.

Фізкультура мае два віды ўплыву на арганізм чалавека - агульны і спецыяльны. Агульны эфект заключаецца ў расходзе энергіі, павышэнні ўстойлівасці арганізма да дзеяння неспрыяльных фактараў навакольнага асяроддзя. Спецыяльны эфект фізкультуры звязаны з павышэннем функцыянальных магчымасцяў сардэчна-сасудзістай сістэмы. Ён заключаецца ў аптымізацыі сардэчнай дзейнасці і фарміраванні найбольш нізкай патрэбнасці сэрца ў кіслародзе. Адэкватная фізічнай нагрузка і фізкультура здольныя ў значнай ступені прыпыніць узроставыя змяненні ў арганізме, павысіць магчымасці арганізма і ўзровень вынослівасці.

Перад пачаткам зяняткамі фізкультурай патрэбна пракансультавацца з урачом, каб вызначыць узровень свайго фізічнага стану. Самы карысны для здароўя від спорту - хадзьба. Сядзячы лад жыцця павышае ўзровень халестэрыну, ён шкодны для спіны і мышцаў. Хадзьба паляпшае артэрыяльны ціск, стан сасудаў і суставаў, а таксама павышае псіхаэмацыянальны фон. Супрацьпаказанняў для хадзьбы няма, аднак за самаадчуваннем сачыць патрэбна. Пры хадзьбе лепш дыхаць сумесна грудной клеткай і з дапамогай мышцаў брушнога прэса. Можна перайсці на лёгкі бег. Перапынак паміж бегавой трэніроўкай і прыёмам ежы павінен быць не менш за 30 мінут. На першым часе патрэбна выбіраць такую хуткасць бегу, каб можна было спакойна дыхаць праз нос. Кантроль пульсу абавязковы: максімальна 180 мінус узрост. Пасля заканчэння бегу патрэбна перайсці на 2-3 мінутную паскораную хадзьбу. Мінімальная норма заняткаў - па 30 мінут 3 разы на тыдні, максімальная - да 1 гадзіны 5-6 разоў у тыдзень.

Не варта ператвараць аздараўленчы бег у спартыўны. Правільны бег - бег для здароўя. Так мы можам дапамагчы арганізму заўсёды быць у форме ў любым узросце.