Са святым благаславеннем
Нумар - №163-165 Рубрыка - Духоўная і гістарычная спадчына
27.08.2011
Папулярнасцю ў ветэранаў Стаўбцоўшчыны карыстаецца санаторый "Пад'ельнікі", размешчаны на тэрыторыі суседняга, Уздзенскага раёна. Нядаўна тут была ўрачыста адкрыта капліца, узведзеная пры садзейнічанні Беларускага таварыства інвалідаў па зроку.
Першае богаслужэнне правёў тут Праасвяшчэнны епіскап Барысаўскі Веніямін, вікарый Мінскай епархіі. У далейшым службу ў капліцы апостала Андрэя Першазданнага будзе праводзіць айцец Грыгорый. Святое месца не толькі адпачываючыя санаторыя, што месціцца на адлегласці 18 кіламетраў ад Узды, але і ўсе жадаючыя могуць наведаць у любы дзень, каб паставіць свечку, наблізіцца да вечнага.
