Малому гораду – вялікае будучае

На маладзёжны форум ініцыятыўных рабят Мінскай вобласці творчая група нашай школы прадставіла творчы праект "Малому гораду - вялікае будучае". Мы прапанавалі праект парку "ЭКОС" у Стоўбцах. Чаму менавіта будаўніцтва парку? Таму што для нашага горада гэта вельмі актуальна. У райцэнтры хацелася б мець больш месцаў, дзе можна з карысцю  правесці вольны час. Таму вельмі добра было б пабудаваць парк культуры і адпачынку, які  меў бы тэнісны корт, амфітэатр, веласіпедныя дарожкі. Канешне ж, дызайн парку павінен утрымліваць алеі і клумбы.

Задум у нас многа, і так хочацца, каб нашы ініцыятывы былі пачуты і падтрыманы. Наш парк-мара - гэта тое месца, дзе рабяты могуць самі прыняць удзел у арганізацыі чыстай прасторы для культурнага правядзення часу, адпачынку і ўмацавання здароўя.