Свае аргументы

Пакуль каманды выйдуць на поле, балельшчыкі ўзважваюць аргументы на паспяховы зыход сустрэчы для кожнага з калектываў. Нашы - гэтым усё сказана. Тым больш, яны ўзначальваюць турнірную табліцу, нападзенне грознае, абарона моцная, паўабарона тэхнічная і кемлівая... Але ж і сапернік не прыехаў, каб загадзя зга-дзіцца на перадачу чэмпіёнам трох пераможных ачкоў.

Свае амбіцыі, вядома, меліся і ў "Лівадзіі-Юні", якая выйшла на поле стадыёна ў Дзераўной супраць "Нёмана-Агра". Нашы суседзі з Дзяржынска, традыцыйна, - адна з мацнейшых футбольных каманд Міншчыны. І цяпер займае пазіцыю на турнірных прыступках бліжэй да лідараў, чым да аўтсайдараў.

Але прагучаў свісток суддзі, і ўсё стала на сваё месца. Як ні стараліся госці, але стрымаць нашага Ціханчыка не змаглі. Тры трапныя ўдары - такі на гэты раз бамбардзірскі рахунак Анатоля. Сетка варот  нёманцаў не ўскалыхнулася ні разу - 3:0 на карысць "Нёмана-Агра".

Наш, цяпер ужо стопрацэнтны, канкурэнт за званне чэмпіёнаў у сёлетнім годзе таксама не драмаў. "Іслач" дома расправілася з "Віліяй" -4:0. А вось уздзенцы пацярпелі няўдачу, у Клецку яны прайгралі  - 1:2. Пазіцыю кожнай  каманды бачым з турнірнай табліцы.

Да фінішу чэмпіянату вобласці засталося пяць тураў. Наперадзе яшчэ адказныя паядынкі. І адзін з іх адбудзецца заўтра, 25 верасня. Каманда "Нёман-Агра" выязджае ў Жодзіна. Сапернік стаўбчан вельмі няпросты. "Жодзіна-2007" смела адбірае ачкі ў многіх, нядаўна там пацярпела паражэнне і "Іслач". Усё ж у матчы з гэтай камандай у першым коле стаўбчане выйгралі. Спадзяёмся, што і новае супрацьстаянне будзе паспяховым.

ТУРНІРНАЯ ТАБЛІЦА чэмпіянату Мінскай вобласці