Зоркі спяюць для Надзі

19 лютага ў 16 гадзін у раённым Цэнтры культуры пройдзе вялікі дабрачынны канцэрт "Разам дапаможам Надзі!" з удзелам зорак беларускай эстрады.

Усе сродкі ад яго будуць пералічаны для лячэння чатырохгадовай стаўбчанкі Надзі Канашэнка.  

-  Практыка правядзення такіх канцэртаў з удзелам знакамітых артыстаў на Стаўбцоўшчыне ўжо ёсць, -  зазначае першы сакратар раённага камітэта БРСМ Дзіяна Ранцюк. - Білеты разыходзяцца літаральна за некалькі дзён, а сам канцэрт праходзіць на адным дыханні. У мінулым годзе так мы збіралі сродкі для хворага хлопчыка Антона Бандаровіча.   

Вядома, што ў канцэрце прымуць удзел Пётр Ялфімаў, Вольга Плотнікава, Андрэй Хлястоў, дзядзя Ваня, Леся Кодуш і Слава Нагорны, Святлана Агарвал, Ксанта, Аляксандра Мяхай, групы "Топлес", "Тры кіты", Black FOKS. Вядучыя канцэрта - Алег Ціткоў і Надзея Цімафеева.

Набыць білет на канцэрт і  такім чынам зрабіць  ахвяраванне на карысць маленькай Надзі можна, заказаўшы білет па тэл. 5-22-87, 5-59-43, 5-33-44. Кошт яго - 30 тысяч рублёў. Жадаючыя могуць пералічыць грошы для лячэння  непасрэдна на дабрачынны рахунак 000011.