15 лютага - Дзень памяці воінаў-інтэрнацыяналістаў
Нумар - №26-28 Рубрыка - Памяць
11.02.2012
Хлопцы, якіх называюць "афганцамі"
Час бесклапотны, былі навабранцамі,
Хіба хто ведаў, што лёс напрарочыць?
Хлопцы, якіх называюць "афганцамі",
Сум, што агортвае светлыя вочы.
Хоць праляцела гадоў ужо колькі,
Зноўку ў жудасных снах паўтараецца:
Свішчуць вакол, абмінаюць асколкі,
У цела таварыша страшна ўпіваюцца.
Хіба ж вы, хлопцы, прыгодаў шукалі,
Хіба тады ўсю праўду вы чулі?
Гулкія горы, чорныя скалы...
На чорнай хусцінцы слёзы матулі.
Жонкі, нявесты, хіба ж толькі з танцамі
Суджаных выбралі вернымі сэрцамі.
Хлопцаў, якіх называюць "афганцамі",
Тых, хто вярнуўся, і тых, хто не вернецца.
Схілім галовы ў хвіліне маўчання мы.
Дзецям жа бацькаў хай лёс не дастанецца.
Нашы знаёмыя, людзі звычайныя,
Хлопцы, якіх называюць "афганцамі".
